Beynəlxalq alim qrupu, Ukraynanın Çernobıl təcrid zonasında minlərlə hektar kənd təsərrüfatı torpaqlarının təhlükəsiz istifadə edilə biləcəyini sübut edib. Tədqiqatın nəticələri “Journal of Environmental Radioactivity” (JER) elmi nəşrində dərc olunub.
Çernobıldakı torpaqların radioaktiv çirklənməsi üzərində aparılan monitorinq, Jitomir vilayətindəki 100 hektarda radiasiya səviyyələrinin Ukrayna təhlükəsizlik normalarından aşağı olduğunu göstərib. Tədqiqatda kartof, qarğıdalı, günəbaxan və taxıl bitkilərinin yetişdirilməsi təhlükəsiz hesab edilib.
1986-cı ildəki qəza səbəbindən 6200 kv.km torpaq tərk edilmişdi. Yeni məlumatlar, 20 min hektar torpağın kənd təsərrüfatı dövriyyəsinə qaytarılmasını, dövlətin ərzaq təhlükəsizliyinin artırılmasını və dünyadakı digər çirklənmiş bölgələr üçün model olmağı təmin edə bilir. Bu, onilliklər boyu itirilmiş hesab edilən ərazilərin reabilitasiyası üçün yeni bir şansdır.
Mənbə
Leave feedback about this