Türkiyə Cümhuriyyət Xalq Partiyasının (CHP) sədri Özgür Özəl məruz qaldığı fiziki zorakılıqdan sonra ilk dəfə açıqlama verib.
Məlumata görə, Özgür Özəl bunu “siyasətə olunan hücum” adlandırıb:
“Hadisədən sonra birinci qızımla xanımıma zəng etdim. Onlara işimin başında olduğumu bildirdim. Qızım nigaran qaldığı üçün ona baş çəkdim.
Liderlər həbs olundu, qarayaxma cəhdləri oldu. “Çirkli” məlumatlar ətrafda uçuşur. Zəng edib qınayırlar. Mən bunu siyasətə hücum kimi də qiymətləndirirəm. Nə olursa olsun, biz zorakılığa göz yummamalıyıq. Qütbləşmə heç kimə fayda vermir. Hücumlar bizi ruhdan salsaydı, sədrliyə talib olmazdıq.”
