İlin ən yaxşı futbolçusuna verilən “Qızıl top” mükafatının təqdimetmə mərasimi sentyabrın 22-də Parisdəki “Teatr dü Şatle”də baş tutacaq.
Bu barədə mükafatın “X” sosial şəbəkəsində məlumat paylaşılıb.
Məlumata görə, namizədlərin siyahısı avqustun 6-da açıqlanacaq.
Ötən il “Qızıl top”un qalibi ispaniyalı yarımmüdafiəçi Rodri olub. O, 2023/24 mövsümündə Avropa çempionu olub və turnirin ən yaxşı oyunçusu kimi tanınıb. Rodri, həmçinin “Mançester Siti” ilə İngiltərə çempionu olub.
Xatırladaq ki, “Qızıl top” mükafatı 1956-cı ildən etibarən təqdim olunur.
