Bu gün Azərbaycan və İran arasında bir sıra mühüm sənədlərin mübadiləsi mərasimi keçirilib.
Azərbaycan Prezidenti İlham Əliyev və İran Prezidenti Məsud Pezeşkian prezidentlərin Birgə Bəyanatını imzalayıblar.
Daha sonra, Azərbaycan Xarici İşlər Nazirliyi ilə İran Xarici İşlər Nazirliyi arasında 2025-2027-ci illər üçün Siyasi Məsləhətləşmələr Proqramı mübadilə edilib. Etibarlı sənəd Azərbaycanın xarici işlər naziri Ceyhun Bayramov və İranın xarici işlər naziri Seyid Abbas Əraqçi tərəfindən imzalanıb.
Həmçinin, Azərbaycan Rəqəmsal İnkişaf və Nəqliyyat Nazirliyi ilə İran Yol və Şəhərsalma Nazirliyi arasında 2025-2026-cı illər üçün nəqliyyat sahəsində əməkdaşlıq haqqında Anlaşma Memorandumu mübadilə olunub. Bu sənəd Azərbaycanın rəqəmsal inkişaf və nəqliyyat naziri Rəşad Nəbiyev və İranın yol və şəhərsalma naziri Fərzanə Sadiq arasında imzalanıb.
Bundan əlavə, “Dənizçilərin hazırlanmasına, onlara diplom verilməsinə və növbə çəkməyə dair 1978-ci il tarixli Beynəlxalq Konvensiya”na əsasən sertifikatların qarşılıqlı tanınmasına dair Anlaşma Memorandumu da mübadilə edilib.
Mədəni məsələlər üzrə isə, Azərbaycan Mədəniyyət Nazirliyi ilə İranın Mədəniyyət və İslami İrşad Nazirliyi arasında 2025-2028-ci illər üzrə Mədəni Mübadilə Proqramı imzalanıb. Bu sənəd Azərbaycanın mədəniyyət naziri Adil Kərimli və İranın mədəni irs, turizm və əl işləri sənayesi naziri Seyid Rza Salehi Əmiri tərəfindən mübadilə edilib.
Son olaraq, Azərbaycan Medianın İnkişafı Agentliyi ilə İran Mədəniyyət və İslami İrşad Nazirliyi arasında media əməkdaşlığına dair Anlaşma Memorandumu imzalanıb. Bu sənəd Azərbaycanın Baş nazirinin müavini Şahin Mustafayev və İranın yol və şəhərsalma naziri Fərzanə Sadiq tərəfindən mübadilə olunub.
Mənbə
Leave feedback about this