İranın Bəndər Abbas şəhərində limanda baş verən partlayış nəticəsində ölənlərin sayı 8 nəfərə çatıb. 247press-in məlumatına görə, yaralananların sayı isə 750 nəfərə yüksəlib. Yanğın hələ də tam söndürülməyib.
Liman ərazisində daha çox konteyner partlayışı qeydə alınıb. Yerli mənbələrin verdiyi məlumata görə, bir neçə dəqiqə əvvəl alov bir sıra konteynerlərə çataraq onların partlamasına səbəb olub.
Həmçinin, partlayışın kimyəvi maddələr olan anbarda baş verdiyi, yanacaq çəninin partladığı bildirilir. İranın daxili işlər naziri İsgəndər Mömini hadisə ilə bağlı Bəndər Abbasa gedib.
İlk saatlarda yaralı sayı 561 nəfər, daha sonra isə 750 nəfərə çatıb. Hadisə ilə bağlı daha ətraflı məlumatlar hələ də toplanmaqdadır.
Leave feedback about this