=“247press”in məlumatına görə, Roma Papası Fransisk bu gün dəfn ediləcək.
Xəbərə görə, insanlar dəfn mərasiminin keçiriləcəyi Müqəddəs Pyotr meydanına buraxılmağa başlayıb. Ümumilikdə meydanda 1 milyona yaxın insanın toplaşacağı gözlənilir.
Son bir neçə gün ərzində təxminən 250 minə yaxın insan Papa ilə vidalaşmaq üçün Müqəddəs Pyotr bazilikasını ziyarət edib.
Fransisklə vidalaşmağa müxtəlif ölkələrdən 130-dan çox nümayəndə heyəti iştirak edir.
Azərbaycanı dəfn mərasimində Milli Məclisin sədri Sahibə Qafarova təmsil edir.
Qeyd edək ki, Papa Fransisk aprelin 21-də 88 yaşında vəfat edib və o, “Santa Maria Maggiore” Roma bazilikasında dəfn olunacaq.
Mənbə
