Mediada yayılan xəbərlərə görə, “Sumqayıt” klubu Vaqif Cavadovla yollarını ayırmaq qərarına gəlib.
Bu barədə məlumatda deyilir ki, “Sumqayıt” klubunun mətbuat katibi Zaur Xudiyev bildirib ki, xəbərlər həqiqəti əks etdirmir.
“Hazırda Vaqif Cavadovun klubumuzla müqaviləsi var. Bu tərz xəbərlər həqiqəti əks etdirmir. Əgər mövsüm başa çatdıqdan sonra belə bir hal yaşanarsa, klubumuz tərəfindən rəsmi açıqlama veriləcək”, – deyə Z.Xudiyev bildirib.
Qeyd edək ki, Vaqif Çavadov ötən ilin oktyabr ayından etibarən “Sumqayıt” klubunun sükanı arxasına keçib.
Anar Həsənov
