Azərbaycanın əsas suvarma arteriyalarından biri olan Şirvan su kanalının yenidən qurulması nəticəsində su təchizatı 78 kubmetr saniyədən 180 kubmetr saniyəyə artırılacaq.
“Kommunal İnfrastrukturunun inkişafına dair sual və təkliflərin müzakirəsi” mövzusunda keçirilən “Milli Biznesin İnkişafı Forumu”nda Azərbaycan Dövlət Su Ehtiyatları Agentliyinin Elm və İnnovasiyalar sektorunun müdiri Əliağa Əzizov qeyd edib ki, kanalın uzunluğu 122 kilometrdən 204 kilometrə qədər uzadılacaq.
O əlavə edib ki, bu layihə nəticəsində Yevlax, Ağdaş, Göyçay, Ucar, Zərdab, İsmayıllı, Ağsu, Kürdəmir, Şamaxı və Hacıqabul rayonlarında 228 min hektar torpaq sahəsinin suvarılması yaxşılaşdırılacaq. Hacıqabul gölünün də vəziyyətinin yaxşılaşdırılması planlaşdırılır.
Mənbə
Leave feedback about this