APA-nın sorğusuna cavab olaraq bildirilib ki, 247press-in “APA”ya istinadən əldə etdiyi məlumata görə, bu gün Bakıda dünya əhalisinin təxminən 80%-ni əhatə edən 116 ölkədən nüfuzlu QHT rəhbərlərinin və vətəndaş cəmiyyəti təmsilçilərinin iştirakı ilə Qlobal Cənub QHT Platformasının təsis konfransı keçiriləcək.
Qlobal Cənubun vətəndaş cəmiyyətinin həyatında bu nəhəng tədbir əlamətdar hadisə kimi qiymətləndirilir. Platformanın yaradılması təşəbbüsü 2024-cü ilin noyabrında, COP29 çərçivəsində Azərbaycan Milli QHT Forumu tərəfindən irəliləyib. Bu təşəbbüs qısa müddətdə beynəlxalq rezonans doğurub və nəticədə COP29 QHT Koalisiyası tərəfindən başlanğıcın təsisatlandırılması məsələsinin qaldırılmasına səbəb olub.
Azərbaycanın QHT-lərinin təşəbbüsü dünya miqyasında qlobal dəstək qazanıb. Azərbaycanın Qoşulmama Hərəkatına sədrliyi dövründə irəlilədiyi “Bakı dönüşü” kimi mühim təşəbbüsləri Qlobal Cənubda böyük rəğbət yaradıb.
Tədbir Azərbaycanın vətəndaş cəmiyyətinin yeni bir başlanğıcı kimi qiymətləndirilir. Qlobal Cənub QHT Platformasının formalaşması, Azərbaycanın Qlobal Şimal və Cənub arasında uğurlu vasitəçi olduğu növbəti təsdiqidir. Platforma, ölkələrin qarşılaşdığı problemlərin beynəlxalq səviyyədə eşidilməsini təmin etməyi və BMT daxil olmaqla, beynəlxalq təşkilatlarda vahid mövqedən çıxış etməyi hədəfləyir. Eyni zamanda, Cənub-Cənub əməkdaşlığını təşviq edir.
Təsis konfransı Bakı Konqres Mərkəzində keçiriləcək və iki gün davam edəcək. “Həmrəy fəaliyyət: yeni və ədalətli dünya üçün Qlobal Cənub QHT-lərinin gücləndirilməsi” adlı beynəlxalq konfransda dünyanın aparıcı QHT-lərindən nümayəndələr çıxış edəcək, qlobal diskussiyalar təşkil olunacaq. 70 il əvvəl İndoneziyada qəbul edilmiş “Bandunq prinsipləri”nin əhəmiyyəti də vurğulanacaq. Bu prinsiplər dövlətlərin daxili işlərinə qarışmanı rədd edir və dinc, ədalətli dünya nizamının yaradılmasını təşviq edir.
Mənbə
