İmmuniteti gücləndirir, dərini gözəlləşdirir

Yaşıl soğan tərkibindəki vitamin və minerallarla sağlamlıq üçün bir çox faydalar təmin edir.

Adətən salatlarda və müxtəlif yeməklərdə istifadə edilən yaşıl soğan, mütəxəssislər tərəfindən faydalarına görə tez-tez tövsiyə edilir.

Bu tərəvəz immunitet sistemini gücləndirən C vitamini ilə zəngindir və orqanizmin müqavimətini artıraraq xəstəliklərdən qoruyur.

Tərkibindəki antioksidantlar sayəsində iltihabla mübarizə aparır və sərbəst radikalların orqanizmə zərər verməsinin qarşısını alır. Yaşıl soğan az kalorili olduğuna görə çəkisinə nəzarət etmək istəyənlər üçün ideal bir seçimdir.

Liflə zəngin olan yaşıl soğan həzmi asanlaşdıraraq bağırsaq sağlamlığını dəstəkləyir. Soyuqdəymə, qrip, ürək xəstəlikləri və bəzi iltihabi xəstəliklərə qarşı qoruyucu xüsusiyyətləri var. Bu tərəvəz bədəni bir çox xroniki xəstəliklərdən də qoruyur.

Tərkibindəki A vitamini sayəsində gözlər üçün çox faydalıdır. Həmçinin, qan şəkərinin səviyyəsini balanslaşdırmağa kömək edir.

Antioksidantlar və vitaminlər, dərinin yenilənməsinə və nəmlənməsinə kömək edir. Xüsusilə C vitamini və kükürd, dəri hüceyrələrinin bərpasına yardımçı olur, dərini daha parlaq və sağlam edir.

Yaşıl soğan, sızanaq kimi dəri problemlərinə qarşı da təsirlidir. Dərinin elastikliyini artıraraq qocalma əlamətlərinin gecikdirilməsində rol oynayır. Daimi istehlak edildikdə dərinin daha canlı və sağlam görünməsinə kömək edir.

Bu tərəvəz saç və dəri üçün də çox faydalıdır. Qaynadılıb istehlak edildikdə həzm problemlərini xeyli azaldır. Eyni zamanda bədəndə yığılan toksinləri xaric edir.

Bədəni təmizlədiyi kimi, immunitet sistemini də gücləndirir. Bəlğəmgətirici xüsusiyyətə malikdir və boğazın təmizlənməsində təsirlidir. Yaşıl soğanın kəskin qoxusu olsa da, qida borusunda hüceyrələrin yenilənməsinə kömək edir.

Xərçəng hüceyrələrinin yaranması üçün mühit yaradacaq vəziyyətlərin qarşısını alır və ağciyərlərdəki iltihabı təmizləyir.

Hamiləlik dövründə yaşıl soğan istehlakı gələcək analar üçün faydalıdır. Tərkibindəki vitamin və minerallar sayəsində ana və körpə sağlamlığına müsbət təsir göstərir, xüsusilə fol turşusu və C vitamini baxımından zəngindir. Fol turşusu körpənin inkişafı üçün çox əhəmiyyətlidir və yaşıl soğan bu qida dəyərini təmin etdiyi üçün hamiləlik dövründə faydalı hesab olunur.

Mənbə