247press-in məlumatına görə, Milli Məclisin sədri Sahibə Qafarova Roma Papası Fransiskin dəfn mərasimində iştirak edib.
Dəfn mərasimi aprelin 26-da Vatikanda Müqəddəs Pyotr meydanında keçirilib. Dünyanın müxtəlif dövlətlərinin başçıları, parlament sədrləri və ruhanilərinin iştirak etdiyi mərasimdə ölkəmizi Milli Məclisin sədri Sahibə Qafarova təmsil edib.
Spiker Sahibə Qafarova, Müqəddəs Taxt-Tacın Dövlət Katibi Kardinal Pietro Parolin və Arxiepiskop Paul Qalager ilə görüşərək, Azərbaycan Respublikasının Prezidenti İlham Əliyevin adından başsağlığı bildirib.
Mənbə
