Hindistanda hoteldə yanğın olub, 14 nəfər ölüb

Hindistanın Qərbi Benqal ştatının Kəlküttə şəhərində baş vermiş yanğın nəticəsində 14 nəfər həyatını itirib, 13 nəfər isə yaralanıb. Yanğın aprelin 29-da axşam saatlarında başlayıb. Ölənlər arasında xilas olmaq məqsədilə yuxarı mərtəbələrdən atılanlar da var. Yanğınsöndürənlər bir neçə nəfəri, o cümlədən terrasa sığınanları xilas edə bilib. “Olay yerində 14 meyit aşkarlanıb, axtarış işləri davam edir.” İlkin ehtimala görə, yanğın mətbəxdəki qaz sızmasından yaranıb.

Mənbə