Azərbaycan Avtomobil Yolları Dövlət Agentliyi, Prezidentin sərəncamı əsasında, Zərdab rayonunun Məlikumudlu–Çallı–Salahlı–Hüseynxanlı-Xanməmmədli avtomobil yolunun yenidənqurmasına başlayıb. Bu yol uzun müddət istismar nəticəsində deformasiyaya uğrayıb və nəqliyyat çətinlikləri yaradıb.
Yolun uzunluğu 18 km-dir və IV texniki dərəcəyə uyğun şəkildə yenidən qurulacaq. Yol 5 yaşayış məntəqəsini birləşdirir, torpaq yatağının eni 10, hərəkət hissəsinin eni isə 6 metr olacaq. Hazırda 5.4 km uzunluğundakı Məlikumudlu hissəsində torpaq işləri tamamlanıb, suötürücü boruların inşası və yol əsasının tikintisi aparılır. Sonrakı mərhələdə yeni asfalt-beton örtüyünün döşənməsi həyata keçiriləcək.
Layihə üzrə asfaltlanma işləri bitdikdən sonra yol nişanı və siqnal dirəklərinin quraşdırılması, eləcə də üfüqi nişanlanma xətləri çəkiləcək.
Mənbə
